Ҡотлауҙарҙы ҡабул итегеҙ!

Оло Ыҡтамаҡ ауылынан һөйөклө, яратҡан атай-олатайыбыҙ ЛЕОНИД ТРОФИМОВИЧ КРЮЧКОВты ысын күңелдән 90 йәшлек олпат юбилейы менән ҡотлайбыҙ.
Ҡәҙерлебеҙ, һиңә яҡшы кәйеф, ныҡлы һаулыҡ, рух ныҡлығы, яҡындарыңдың һөйөүе һәм хәстәрлегендә йәшәүеңде теләйбеҙ. Артабан да наҙлы ҡарашың менән иркәләп, аҡыллы кәңәштәреңде өләшеп, балаларыңдың, ейәндәреңдең уңыштарына һөйөнөп оҙон-оҙаҡ йәшә.
Сабыр ҙа һин, ябай, кешелекле,
Ҡылған эшең – бары изгелек.
Шатлыҡтарҙа үтһен һинең көндәр,
Бәхеттәрең булһын ғүмерлек.
Хоҙай һиңә сәләмәтлек бирһен,
Беҙҙән һиңә яҡты теләктәр.
Балҡып торған йөҙкәйеңде күреп,
Ҡыуанһындар беҙҙең йөрәктәр!
Иң изге теләктәр менән балалары, ейән-ейәнсәрҙәре, бүләләре һәм барлыҡ туғандары.