Хеҙмәтенә күрә – хөрмәте

Коллегия барышында 2024 йылда үҙйөрөшлө машиналарҙы, уларға тағылмаларҙы һәм аттракциондарҙы хәүефһеҙ файҙаланыу өлкәһендә төбәк дәүләт күҙәтеүенә йомғаҡ яһалды һәм 2025 йылға бурыстар билдәләнде, шулай уҡ республиканың айырым муниципаль райондары, ҡала округтары инженер-инспекторҙарының отчеттары тыңланды.
Үҙ вазифаларын юғары сифатлы башҡарғандары өсөн бер нисә хеҙмәткәр почет грамоталары һәм рәхмәт хаттары менән бүләкләнде. Улар иҫәбендә – Мәсетле районында дәүләт техник күҙәтеү буйынса БР дәүләт комитеты секторының баш белгес-эксперты – төп дәүләт инженер-инспекторы Динар Баһауетдинов. Ул Башҡортостан Республикаһы Хөкүмәтенең Почет грамотаһы менән бүләкләнде.
Динар Тимерхан улы 15 йыл хеҙмәт юлын Мәсетле районында үҙйөрөшлө машиналарҙың һәм башҡа төр техниканың техник торошон күҙәтеүгә бағышланы.
Мәсетле мәғлүмәт-консультация үҙәге.