Ҡотлауҙарҙы ҡабул итегеҙ!

Теләш ауылында йәшәүсе хөрмәтле коллегабыҙ РАЯ ӘХКӘМ ҡыҙы САФИНАны юбилейлы тыуған көнө менән ҡайнар ҡотлайбыҙ.
Һеҙгә сикһеҙ бәхет, именлек, шатлыҡ-ҡыуаныстарға тулы матур ғүмер теләйбеҙ. Киләсәк көндәрегеҙ ҡояшлы булһын, шатлыҡ-ҡыуаныстарҙа ғына үтһен.
Ғүмер уҙа, тип моңһоуланмағыҙ,
Өмөт гөлдәрегеҙ шиңмәһен.
Алтын төҫөндәге ҡояшлы көн
Барыр юлдарығыҙҙы биҙәһен.
Тыуған көнөгөҙ менән ҡайнар ҡотлап,
Беҙ теләйбеҙ ихлас күңелдән
Ныҡлы һаулыҡ, оҙон ғүмер,
Бәхет-шатлыҡтарға күмелгән!
Иң изге теләктәр менән Теләш мәктәбенең ветеран уҡытыусылары.

* * *

Хөрмәтле коллегабыҙ – халыҡ тынлы музыка ҡоралдары оркестры етәксеһе МӘСНӘҮИ МӘҒДӘНУР улы ҒӘЙНЕТДИНОВты тормошондағы мөһим ваҡиға – 65 йәшлек юбилейы менән ихлас күңелдән ҡотлайбыҙ.
Хөрмәтле Мәснәүи Мәғдәнур улы! Күп йылдар элек район мәҙәниәтенә хеҙмәт итеүҙе һайлап, уны үҙ яҙмышығыҙ иттегеҙ һәм районыбыҙҙың тынлы инструменталь музыка сәнғәте тарихына сағыу бит өҫтәнегеҙ. Ижадҡа тоғролоҡ, күп йыллыҡ хеҙмәттәшлек, Мәсетле районында тынлы музыка сәнғәтен үҫтереүгә ҙур өлөш индергән өсөн ихлас рәхмәт һүҙҙәрен ҡабул итегеҙ. Маэстроға илһам, ижади оҙон ғүмер һәм рәхмәтле тыңлаусылар теләйбеҙ. Уй-ниәттәрегеҙ һәр саҡ тормошҡа ашһын, музыкаль идеялар йөрәктәрҙә урын тапһын, ә оркестр тамашасылар тарафынан яратҡан һәм хөрмәткә лайыҡ коллектив булып ҡалһын!
Район мәҙәниәт бүлеге һәм Мәҙәниәт һарайы коллективтары.

* * *

Хөрмәтле коллегабыҙ – Әләгәҙ ауыл клубы мөдире ҒӘЛИӘ СӘЛИМЙӘН ҡыҙы ВӘХИТОВАны күркәм юбилейы менән ысын күңелдән ҡотлайбыҙ.
Ошо тантаналы көндә күп йыллыҡ берлектәге хеҙмәттәшлегегеҙ өсөн Һеҙгә тәрән ихтирам һәм ихлас рәхмәтебеҙҙе белдерергә рөхсәт итегеҙ. Ысын күңелдән Һеҙгә, туғандарығыҙға һәм яҡындарығыҙға именлек, оҙон һәм әүҙем ғүмер, ныҡлы һаулыҡ, шәхси тормошоғоҙҙа бәхет теләйбеҙ. Рух ныҡлығын, күңел йәшлеген оҙаҡ йылдар һаҡлағыҙ. Һәр саҡ уңыштар юлдаш булһын, ғүмерегеҙҙең һәр көнө туғандарығыҙҙың һәм яҡындарығыҙҙың күңел йылыһы менән һуғарылһын, ә һеҙҙең белемегеҙ, тәжрибәгеҙ һәм эшкә тоғролоғоғоҙ тағы ла оҙаҡ йылдар Мәсетле районы мәҙәниәте үҫеше хаҡына хеҙмәт итһен!
Район мәҙәниәт бүлеге һәм Мәҙәниәт һарайы коллективтары.