Фиҙаҡәр хеҙмәттәре өсөн рәхмәт хаты

"Сургутнефтегаз"асыҡ акционерҙар йәмғиәте генераль директоры урынбаҫары Сергей Сидоров "Ҡарағай" шифаханаһы етәксеһе Рәмил Бәҙретдиновҡа һәм бөтә коллективҡа коронавирус инфекцияһы таралыуға юл ҡуймау буйынса комплекслы сараларҙы ғәмәлгә ашырыуҙағы ярҙамдары өсөн рәхмәт белдерҙе.
Шифахана өс ай дауамында вахта ысулы менән эшләгән "Сургутнефтегаз" йәмғиәте хеҙмәткәрҙәре өсөн буфер зонаһы булдырған. Уларҙы йәшәү, туҡланыу, медицина күҙәтеүе, транспорт менән тәьмин иткән, коронавирус инфекцияһын ваҡытында асыҡлау өсөн тест үткәргән.
"Ҡарағай" шифаханаһы хеҙмәткәрҙәренең юғары профессионаллеге, яуаплылығы һәм намыҫлылығы арҡаһында бөтә күрһәтелгән талаптар һәм профилактик саралар теүәл үтәлә", – тип яҙылған рәхмәт хатында.