Иң яҡшы сығарылыш уҡыусыларына башлыҡ премияһы

Районда традиция буйынса дөйөм белем биреү ойошмаларын тамамлаусы иң яҡшы биш уҡыусыға муниципаль берәмек башлығы премияһы тапшырылды.

Уҡыусыларҙы дәртләндереүҙең ошондай формаһы барлыҡҡа килгәндән алып ете йыл эсендә тәүге тапҡыр биш еңеүсе лә – Оло Ыҡтамаҡ лицейын тамамлаусылар. Улар Илшат Әхмәтшин, Резеда Кинйә-баева, Егор Русинов, Әлфиә Бикташева һәм Азамат Мофазалов.

Егет-ҡыҙҙарҙы һәм уларҙың ата-әсәләрен бүләкләү өсөн оператив кәңәшмәгә саҡырҙылар.

Был көндө сығарылыш уҡыу-сылары адресына бик күп матур теләктәр яңғыраны.

Башҡортостан Республикаһы Мәсетле районы муниципаль районы хакимиәте башлығы Әнис Әсәҙуллин балалар-ҙы сығарылыш имтихандарын уңышлы тапшырыуҙары һәм юғары ҡаҙаныштарға ирешеүҙәре менән ҡотланы. Шулай уҡ киләсәктә лә һынауҙар-ҙы уңышлы үтеүҙәрен һәм һөнәр алыу өсөн һайлаған уҡыу йорттарына инеүҙәрен теләне, тыуған райондарына дипломлы белгестәр булып ҡайтыу-ҙарына ышаныс белдерҙе. Шулай уҡ ул яҡшы башланғыстар-ҙы лайыҡлы дауам итеүселәр- ҙе тәрбиәләгән, аҡыллы, һәләтле балалар үҫтергән ата-әсәләргә рәхмәт һүҙҙәрен еткерҙе.

2017-2018 уҡыу йылында Мәсетле районы мәктәптәренән 20 уҡыусы “Уҡыуҙағы ҙур уңыштары өсөн” миҙалы менән тамамланы.

1-се Оло Ыҡтамаҡ лицейы: Әлфиә Бикташева, Резеда Кинйәбаева, Елизавета Крючкова, Вадим Собханҡолов, Ирина Хурамшина, Ғәлиәскәр Ғибәҙуллин, Луара Ғибәҙуллина, Егор Русинов, Алина Фәхрәзиева, Алина Йәрмөхәмәтова.

Оло Ыҡтамаҡ ауылының Башҡорт гимназияһы: Диана Әхмәтханова, Вероника Шакирова, Алиса Аҡмалова, Лариса Абдулхаева, Лиана Ханова.

Түбәнге Бобин мәктәбе: Дарья Рулева.

Әләгәҙ мәктәбе: Илшат Сәйәров, Ильвина Миндиәхмәтова.

Яңы Мишәр мәктәбе: Фидәлиә Ғайсина, Илзида Яхина.