Башҡортостанда талпан энцефалиты таралыу хәүефе булған райондар билдәләнде

 «Башинформ» агентлығына билдәле булыуынса, 68 административ биләмәнең 42-һе ошо исемлектә бар: Әбйәлил, Әлшәй, Асҡын, Баҡалы, Бәләбәй, Балаҡатай, Белорет, Бөрө, Благовещен, Бүздәк, Борай, Бөрйән, Ғафури, Дәүләкән, Дыуан, Йәрмәкәй, Йылайыр, Иглин, Ишембай, Ҡалтасы, Ҡариҙел, Ҡыйғы, Краснокама, Күгәрсен, Көйөргәҙе, Мәләүез, Мәсетле, Мишкә, Миәкә, Нуриман, Салауат, Стәрлебаш, Стәрлетамаҡ, Стәрлетамаҡ, Тәтешле, Туймазы, Өфө, Учалы, Федоровка, Саҡмағош, Шишмә, Шаран, Яңауыл райондары.

Ведомствоның матбуғат хеҙмәтендә белдереүҙәренсә, хәүефле сирҙән төп һаҡланыу сараһы — прививка. Уны йыл дауамында, шул иҫәптән эпидемия миҙгелендә, инфекция сығанағына барырҙан 2 аҙна алда яһатырға мөмкин.

Фото:Олег

Источник: https://bash.bashinform.ru/news/social/2023-03-23/bash-ortostanda-talpan-entsefality-taralyu-h-efe-bul-an-rayondar-asy-landy-3189005