Республикала диспансеризация үткәреү датаһы билдәле булды

Аныҡ дата Роспотребнадзор белгестәре менән килешелгәндән һуң билдәләнә, тип хәбәр итте республиканың һаулыҡ һаҡлау министры Максим Забелин.

«Төп бурыс – 2021 йылда үлем осраҡтарын кәметеү, — тине Башҡортостан Башлығы Радий Хәбиров хөкүмәттәге оператив кәңәшмәлә. — Төрлө сәбәптәр буйынса, уҙған йылда беҙ күп кешеләрҙе юғалттыҡ».

Шулай уҡ республикала Ғ.Ҡыуатов исемендәге Республика клиник дауаханаһы табиптары менән күсмә модулдәр, стоматология бригадалары эшләй. «Сәләмәт республика – сәләмәт төбәк» акцияһын 19 апрелдә башлау планлаштырыла. Республиканың Һаулыҡ һаҡлау министрлығы етәксеһе һүҙҙәренсә, һауа шарттары мөмкинлек бирһә, Башҡортостан буйлап «сәләмәтлек поездары» иртәрәк юлға сыға.

Фото: Олег Яровиков