Атай-әсәй эҙләйбеҙ

“Рәсәй-1” каналындағы “Бөтәһе лә өйҙә саҡта” тапшырыуының “Һеҙҙең балағыҙ була” рубрикаһында Өфөләге балалар йорттарының береһендә йәшәгән апайлы-һеңлеле ике ҡыҙ ҡатнашҡан. Ошо хаҡта мәғлүмәтте “Башинформ” мәғлүмәт агентлығы баҫтырҙы.

“Өлкәне Александра өсөнсө класта уҡый, бик тырыш, тәртипле. Бәләкәсе Вероника – оялсан, әммә изгелекле һәм наҙлыҡай”, – тип балалар тураһында һөйләй тәрбиәселәре.

Ҡыҙҙарҙың яҙмышы менән ҡыҙыҡһынғандар Өфө ҡалаһының опека һәм попечителлек буйынса идаралығына (+7 347 279‑91-85, +7 347 279‑91-84) шылтырата ала.

Атай-әсәй эҙләгән Александра һәм Верониканың, шулай уҡ башҡа балаларҙың паспорты менән тәрбиәгә алырға теләгәндәр “Видеопаспорт” проекттың сайтында таныша ала. Ошо хеҙмәттәшлек осоронда баш ҡаланың балалар учреждениеларынан 110-дан ашыу етем баланы ғаиләгә урынлаштырыу мөмкин булған.

Фото: “Башинформ” сайтынан.

Автор: Рәмилә Мусина

https://bash.rbsmi.ru/articles/sotsial-m-s-l/Atay-s-y-e-l-ybe-656725/