Стәрлетамаҡ районында такси йөк машинаһы менән бәрелешкән

Стәрлетамаҡ районында 25 ғинуарҙа көндөҙ юл фажиғәһе теркәлгән. Карасевка ауылы янында пассажир ултырған такси ГАЗ йөк машинаһына бәрелгән.

Аварияны күргән кешеләр әйтеүенсә, пассажирҙың – башы, ә водителдең аяғы йәрәхәтләнгән. Улар урындағы дауаханаға оҙатылған. Әле реанимацияла яталар.

Башҡортостандың ЮХХДИ матбуғат хеҙмәте мәғлүмәттәре буйынса, 25 ғинуарҙа республика юлдарында дүрт автомобиль аварияһы теркәлгән, бер кешенең ғүмере өҙөлгән, дүртәүһе йәрәхәтләнгән.

«Башинформ» мәғлүмәт агентлығы

Теги: юл-транспорт ваҡиғаһы

https://www.bashinform.ru/bash/1550769/