Республикала Холокост ҡорбандарын иҫкә алыу аҙналығы уҙғарыла

Башҡортостанда 18-31 ғинуарҙа Холокост ҡорбандарын иҫкә алыу аҙналығы уҙғарыла. Башҡортостан Республикаһы хөкүмәте премьер-министры Андрей Назаров ҡул ҡуйған тейешле бойороҡ республиканың хоҡуҡи мәғлүмәт порталында баҫылған.

Саралар Халыҡ-ара Холокост ҡорбандарын иҫкә алыу көнөнә һәм Ҡыҙыл Армия көсө менән Аушвиц (Освенцим) үлем лагерын азат итеүҙең 76 йыллығына арнала.

Уларҙы әҙерләү һәм уҙғарыу өсөн хөкүмәт вице-премьеры Азат Баҙранов етәкселегендә ойоштороу комитеты төҙөлгән, саралар планы әҙерләнгән.

«Башинформ» мәғлүмәт агентлығы

Теги: хәтер