Өфөнөң 2030 йылғы Олимпиаданы үткәреүгә ғариза биреүе идея булараҡ ҡарала – Спорт министрлығы

Башҡортостандың йәштәр сәйәсәте һәм спорт министры Руслан Хәбибов һүҙҙәренсә, әлегә Өфөнән 2030 йылда Олимпия уйындарын уҙғарыуға кандидат сифатында ғариза биреү идея булараҡ ҡарала.

Добавить в предпочтительные источники Google

«Бөгөн 2030 йылғы Олимпиаданы ҡабул итеүгә кандидат сифатында Өфөнән ғариза биреү мөмкинлеге мәсьәләһе өйрәнелә генә. Беҙ быны идея булараҡ ҡарайбыҙ. Халыҡ-ара Олимпия комитеты билдәләгән тәртип бар. Ғариза уҙғарырға йыйынған ҡаланан, төбәктән һәм Рәсәйҙең Олимпия комитетынан бирелә», — тип аңлатты Руслан Хәбибов брифингта.

Бынан алда «Башинформ» Халыҡ-ара олимпия комитеты ағзаһына һылтанма менән Олимпиада үткәреү өсөн ғариза бирергә теләгән төбәккә бер нисә ҡағиҙәне һәм ғариза яҙыу процедураһын үтәү кәрәклеге тураһында хәбәр иткәйне.

Фото: Станислав Шахов