-7 °С
Болотло
Бөтә яңылыҡтар
Новости
23 Декабрь 2020, 18:00
Башҡортостан «Яңы йыл менән, ветеран!» бөтә Рәсәй акцияһына ҡушылды
Башҡортостан Республикаһы «Яңы йыл менән, ветеран!» бөтә Рәсәй акцияһына ҡушылды. «Еңеү ирекмәндәре» хәрәкәте әүҙемселәре Бөйөк Ватан һуғышында ҡатнашыусылар һәм инвалидтар менән осрашып, уларҙы яҡынлашып килгән Яңы 2021 йыл менән ҡотлай.
Байрам акцияһы 22 декабрҙә Октябрьский ҡалаһында башланды. Ҡыш бабай һәм Ҡарһылыу булып кейенгән ирекмәндәр Бөйөк Ватан һуғышы ветераны Ефим Косткинға килде.
Ефим Андриянович 1-се Украина фронты 254-се уҡсы дивизияһының 933-сө уҡсы полкы составында хеҙмәт иткән. Польшаны азат итеүҙә ҡатнашҡан, Одер йылғаһын һуғышып аша сыҡҡанда ҡаты яраланған. «Хәрби хеҙмәттәре өсөн», «Германияны еңгән өсөн» миҙалдары, I дәрәжә Ватан һуғышы ордены менән бүләкләнгән.
«Ветерандарға 9 майҙа, Хәтер һәм дан йылында ғына түгел, ә көндәлек тормошта ла иғтибар бүлеү мөһим, бәхеткә күрә, шундай мөмкинлегебеҙ бар», — тине Октябрьский ҡалаһы Йәштәр һарайының йәштәр менән эшләү буйынса белгее Александр Юдин.
Республикала акция тәүге йыл ғына уҙғарылмай, сара һуғыш ветерандары һәм йәштәр өсөн изге йолаға әүерелгән
Фото: Александр Соколов
Агентство по печати и средствам массовой информации Республики Башкортостан.
Баш мөхәррир Э. Ф. БАҺАУЕТДИНОВА
Телефон
8(34770)2-00-05; 8(34770)2-00-32.
Электрон почта