Башҡорт шағирәһе Лариса Абдуллинаның шиғырҙары балҡар журналында донъя күрҙе

Башҡорт шағирәһе Лариса Абдуллинаның шиғырҙары балҡар телендәге «Минги-тау» («Эльбрус») журналында баҫылды.

Шәлкемгә танылған шағир-тәржемәселәр Исмаил Байтуғанов, Сакинат Мусакаева, Темирлан Жашуев тәржемә иткән 10 шиғыр ингән.

Инеш һүҙҙә Сакинат Мусакаева башҡорт шағирәһенең ижады, тәржемәнең һәм халыҡтар араһында мәҙәни-әҙәби күперҙәрҙең әһәмиәте хаҡында бәйән итә.

«Минги-тау» («Эльбрус») — Ҡабарҙа-Балҡар Республикаһының әҙәби-нәфис һәм ижтимағи-сәйәси журналы, 1958 йылдан башлап балҡар һәм рус телдәрендә сыға.

«Башинформ» мәғлүмәт агентлығы

Новости партнеров