Башҡорт теле көнөнә арналған «Vibeргә» интернет-конкурсы иғлан ителде

Уның маҡсаты – социаль селтәрҙәрҙә башҡорт телендәге контентты, башҡорт теленә, башҡорттарҙың тарихына, шәжәрәһенә ҡыҙыҡһыныуҙы арттырыу.

Ҡатнашыусыларҙың йәше сикләнмәй. Улар 2020 йылдың 7 декабренә тиклем Бәйләнештә һәм Instagram селтәрҙәренә үҙҙәренең ижади эштәрен һалырға тейеш. Ике номинация тәҡдим ителә – «Башҡорт телендә иң яҡшы открытка» һәм «Башҡорт телендә иң яҡшы вайн». Шарттар менән @bashkort_postcards һәм @bashkort_vine аккаунттарында танышырға мөмкин.

Популяр башҡорт вайнерҙары, блогерҙары һәм башҡаларҙан торған жюри баһалары буйынса номинацияларҙа еңеүселәр билдәләнә. Аҡсалата бүләк — 3меңдән 50 мең һумға тиклем.