Республикала ноябрҙең икенсе декадаһы норманан һыуығыраҡ була

Башҡортостанда ноябрҙең икенсе декадаһы норманан 2 градусҡа түбән булыуы көтөлә, тип хәбәр итте Башгидромет. 12-14 ноябрҙә республикала бер аҙ ҡар яуыуы, юлдарҙа боҙлауыҡ булыуы ихтимал.

Һауа температураһы төндә -4, -9 градустан -8, -13, аяҙытҡанда -15, -20 градусҡаса түбәнәйә, көндөҙ -7, -12 градус була.

Аҙна аҙағында Башҡортостан биләмәһендә антициклон урынлаша, температура артабан түбәнәйә, яуым-төшөм ихтималлығы аҙ. Әлегә ҡар ҡатламы йоҡа булғанлыҡтан, һыуыҡтың үҫемлектәргә зыян килтереүе мөмкин, тип иҫкәртә синоптиктар.

10 ноябрҙә Башҡортостанда бөтә ерҙә лә тиерлек ҡар яуҙы, 1-15 сантиметр бейеклектә ҡар ятты. Әлеге ваҡытта ҡайһы бер көнбайыш райондарҙа һәм Урал аръяғында ҡар юҡ.

Фото: Валерий Шахов

«Башинформ» мәғлүмәт агентлығы

Теги: ҡар, боҙлауыҡ