Башҡортостанда диабет һәм йөрәк-ҡан тамырҙары ауырыуҙарынан яфаланғандар өсөн махсус режим индерелә

Республика Башлығы Радий Хәбиров ошондай диагнозы булған кешеләрҙең яңы коронавирус инфекцияһынан вафат булыу осраҡтарының йышайыуына борсолоуын белдерҙе.

«Беҙҙә хроник сирҙәрҙән яфаланғандар COVID-19-ҙы ауыр үткәрә. Шәкәр диабеты менән ауырығандар, ҡыҙғанысҡа ҡаршы, шунда уҡ бер аяғы менән теге донъяға баҫа», — тине Башҡортостан Башлығы.

Радий Хәбиров хөкүмәткә хроник сирлеләргә махсус режим индереү тураһында уйларға ҡушты. Атап әйткәндә, диабет менән ауырығандарҙы үҙизоляция режимын үтәүен тикшерергә мөмкиндәр.

Яҙ көнө Башҡортостанда хроник сирле граждандар өсөн ошондай сикләү сараһы ғәмәлгә индерелгәйне. Радий Хәбиров һүҙҙәренсә, был тәжрибәне дауам итергә кәрәк.

Фото: Олег Яровиков

«Башинформ» мәғлүмәт агентлығы

Теги: диабет, коронавирус, йөрәк-ҡан тамырҙары ауырыуҙары

https://www.bashinform.ru/bash/1509183/