Башҡортостанда коронавирус йоҡтороусылар арта, тәүлек эсендә – 73 кеше

16 октябргә COVID-19 йоҡтороуҙың 73 осрағы теркәлгән. Пандемия башланғандан алып бөтәһе 9 609 кеше сирләгән.

Тәүлек эсендә — 56, коронавирус эпидемияһы осоронда 8 634 кеше һауыҡҡан. Әле 118 пациент стационарҙа ята, 810-ы өйҙә дауалана. Ошо тәүлектә яңы үлем осраҡтары теркәлмәгән, тип хәбәр иттеләр Башҡортостандың Һаулыҡ һаҡлау министрлығынан.

Алдан хәбәр ителгәнсә, республикала яңы коронавирус инфекцияһы диагнозы ҡуйылған 47-се пациент — Өфөнән 1954 йылғы ир вафат булды.

Фото: «Башинформ» мәғлүмәт агентлығы

«Башинформ» мәғлүмәт агентлығы

Теги: статистика, коронавирус