+13 °С
Дождь
Новости
29 Июля 2020, 06:00
Башҡортостанда шартлау яңғыраған: дүрт кеше зыян күргән
Башҡортостандың Иглин районы Урман ауылында, элекке ҡорал склады биләмәһендә, 28 июлдә шартлау яңғыраған.
Боеприпастар шартлауы арҡаһында дүрт кеше зыян күргән. Улар дауаханаға оҙатылған. «Интерфакс-Поволжье» агентлығына Урман ауыл Советы башлығы Рафаэль Калкаманов хәбәр итеүенсә, был хәл боеприпастар йыйыу һәм утилләштереү менән шөғөлләнгән подряд ойошмаһы эштәре ваҡытында булған.
Рәсәй Федерацияһының Оборона министрлығы менән контракт буйынса эштәр башҡарған ойошма хеҙмәткәрҙәре зыян күргән, тип өҫтәне ул.
Яҡынса мәғлүмәттәр буйынса, баҫыуҙа снарядты йыйған саҡта ул ҡапыл шартлаған.
«Урынға Рәсәй Тәфтиш комитеты тәфтишселәре һәм полиция хеҙмәткәрҙәре составында тәфтиш-оператив төркөм килгән. Ваҡиға сәбәптәре асыҡлана», — тип аңлатма бирҙеләр «Башинформ» агентлығына Башҡортостан Республикаһы Тәфтиш комитетының матбуғат хеҙмәтендә.
Фото: «Башинформ» мәғлүмәт агентлығы
