Башҡортостанда COVID-19 йоҡтороусылар һаны 6 675-кә еткән

Һуңғы тәүлектә Башҡортостанда 35 кешелә яңы коронавирус инфекцияһы диагнозы раҫланған.

Шулай итеп, пандемия башланғандан алып республикала COVID-19 йоҡтороусылар һаны 6 675-кә еткән, тип хәбәр итте Башҡортостандың Һаулыҡ һаҡлау министрлығы.

Коронавирустан вафат булыуҙың яңы осраҡтары тураһында хәбәр ителмәй. COVID-19-ҙан үлгәндәрҙең рәсми теркәлгән һаны 22 кеше тәшкил итә.

Ошо осорҙа республикала 5 025 сирле һауыҡҡан, уларҙың 77-һе — һуңғы тәүлектә.

205 пациент — стационарҙа, 1423 кеше амбулатор шарттарҙа дауалана.

Фото: depositphotos.com

«Башинформ» мәғлүмәт агентлығы

Теги: коронавирус, рәсми статистика

https://www.bashinform.ru/bash/1478010/