Республикала COVID-19 йоҡтороусылар 6134-кә еткән

Башҡортостанда коронавирус инфекциялы сирлеләр һаны һуңғы тәүлектә 57-гә артып, 6134-кә еткән, тип хәбәр ителә стопкоронавирус.рф сайтында.

Пандемия башланғандан алып Башҡортостанда 4320 кеше һауыҡҡан, уларҙың 65-е – һуңғы тәүлектә.

Әлеге ваҡытта актив сирлеләр һаны 1795 тәшкил итә.

Коронавирус инфекцияһынан вафат булғандар һаны – 20 кеше.

Рәсәй буйынса дөйөм алғанда, пандемия башланған мәлдән 752 797 сирле асыҡланған. Бөтә осорҙа 11 937 кеше коронавирустан донъя ҡуйған.

Һуңғы тәүлектә илдә коронавирус инфекцияһын йоҡтороуҙың 6 428 осрағы асыҡланған. Тәүлек эсендә Рәсәйҙә 167 үлем осрағы теркәлгән.

Фото: Олег Яровиков

«Башинформ» мәғлүмәт агентлығы