Республикала өс көн 40 градус эҫе була

Был юлы белгестәрҙең сигналы елдең көсәйеүе һәм ҡырау менән бәйле түгел. 13 июлдән 16-һына тиклем республика биләмәһендә ныҡ эҫе булыуы көтөлә.

«Максималь температура +40 градусҡа тиклем күтәрелә», — тиелә Башгидрометүҙәуктең рәсми сайтында.

«Гисметео» порталы мәғлүмәттәре буйынса, Өфөлә йәкшәмбе, 19 июлдә, эҫенең һүрелеүе фаразлана.

Фото: «Башинформ» мәғлүмәт агентлығы