Башҡортостанда коронавирус йоҡтороусылар һаны 5 826-ға еткән

Башҡортостанда һуңғы тәүлектә коронавирус инфекциялы сирлеләр һаны 48-гә артып, 5 826-ға еткән, тип хәбәр ителә стопкоронавирус.рф сайтында.

Республикала коронавирустан яңы үлем осрағы теркәлмәгән. Ошо ваҡыт эсендә 19 кеше COVID-19 ҡорбаны булған.

Пандемия башланғандан алып Башҡортостанда 3 919 кеше һауыҡҡан, уларҙың 160-ы — һуңғы тәүлектә.

Дөйөм алғанда, Рәсәйҙә пандемия башланғандан алып 713 936 сирле асыҡланған, әлеге ваҡытта 489 068-е һауыҡҡан. 11 017 кеше вафат булған.

Һуңғы тәүлектә илдә коронавирус инфекцияһын йоҡтороуҙың 6 635 яңы осрағы асыҡланған. Ошо уҡ ваҡытта 7 752 кеше һауыҡҡан. 174 кеше яҡты донъя менән хушлашҡан.

Фото: Олег Яровиков

Галина Бахшиева

Теги: коронавирус

https://www.bashinform.ru/bash/1471635/