Владимир Путин һауа транспорты тармағындағы хәл-торош менән ҡыҙыҡһынды

Рәсәй Президенты "Аэрофлот" башлығы Виталий Савельев менән осрашты. Унда һүҙ һауа транспорты тармағындағы хәл-торош тураһында барҙы. Эпидемиологик хәл сәбәпле самолеттар осошо туҡтатылғайны. Хәҙер рейстар әкренләп тергеҙелә башланы.

Владимир Путин пассажирҙарҙың самолетта нисек ултырыуы менән ҡыҙыҡһынды. "Аэрофлот" башлығы белдереүенсә, унда махсус фильтрҙар ҡуйылған, һауа өс-биш минут һайын алмашынып тора. таҙартыу кимәле операция бүлмәһендәге кеүек - 97-99 процентҡа тиклем. Бортта сир йоҡторорға мөмкин түгел. Бирсәткә, битлек бирәләр һәм элеккесә һәр урынға ултырталар, ә шахмат тәртибендә түгел.

Шахмат тәртибендә ултыртыу идеяһынан бөтә илдәрҙәге авиакомпаниялар баш тартҡан, сөнки билет хаҡтарын күпкә арттырырға тура киләр ине.