Башҡортостанда тәүлек эсендә коронавирус йоҡтороуҙың 45 яңы осрағы асыҡланған

2 июлгә Башҡортостанда 5 450 коронавирус инфекцияһы осрағы рәсми раҫланған. Тәүлек эсендә республикала 45 кеше COVID-19 йоҡторған, тип хәбәр ителә стопкоронавирус.рф порталында.

Һуңғы тәүлектә Башҡортостанда коронавирустан вафат булғандар һаны тураһында хәбәр ителмәй, рәсми мәғлүмәттәргә ярашлы, әлеге ваҡытта улар – 18 кеше. Был һан һуңғы бер нисә аҙна дауамында үҙгәрмәй.

Коронавирус инфекцияһына ҡаршы көрәш штабы мәғлүмәтенә ярашлы, төбәктә 3 144 кеше һауыҡҡан, 40-ы — һуңғы тәүлектә. 2 288 кеше дауалана.

Рәсәйҙә тәүлек эсендә 6 760 сирле асыҡланған, 147 үлем осрағы теркәлгән. Илдә йәмғеһе 661 165 кеше коронавирус йоҡторған. Бөтә осорҙа 9 683 кеше коронавирустан вафат булған.

«Башинформ» мәғлүмәт агентлығы

Теги: коронавирус, статистика

https://www.bashinform.ru/bash/1468675/