Республикала Covid-19 йоҡторғандар һаны 700-гә яҡынлашҡан

29 апрелгә мәғлүмәттәр буйынса, Башҡортостанда Covid-19 йоҡторғандар һаны 691 кеше тәшкил итә. Был уҙған тәүлеккә ҡарағанда 60 кешегә күберәк. Коронавирус буйынса яңы мәғлүмәттәр стопкоронавирус.рф сайтында баҫылған.

Дөйөм алғанда, һуңғы тәүлектә илдә 5 841 яңы коронавирус инфекцияһы теркәлгән, 1830 кеше һауыҡҡан.

Эпидемия башланғандан алып Рәсәйҙә сирлеләр һаны 99 399-ға еткән. Ошо осорҙа 972 кеше коронавирустан үлгән.

«Башинформ» мәғлүмәт агентлығы