Башҡортостандың юғары уҡыу йорттарында ГТО билдәһе өсөн күпме өҫтәмә балл бирелә

Рәсәй Мәғариф министрлығының 1147-се бойороғона ярашлы, быйыл «Хеҙмәткә һәм оборонаға әҙер» Бөтә Рәсәй физкультура-спорт комплексының билдәһе менән уҡырға инеүселәргә 1-ҙән алып 10-ға тиклем балл өҫтәлә.

Өфө дәүләт авиация техник университеты — 1 балл;

Өфө дәүләт нефть техник университеты — 5 балл;

Башҡорт дәүләт университеты — 3 балл;

Башҡорт дәүләт аграр университеты — 5 балл;

Өфө дәүләт иҡтисад һәм сервис университеты — 2 балл;

Башҡорт дәүләт педагогия университеты — 2 балл;

Башҡорт дәүләт медицина университеты — 1 балл;

Рәсәй Федерацияһы Эске эштәр министрлығының Өфө юридик институты — 3 балл;

Башҡортостан дәүләт хеҙмәте һәм идара итеү академияһы— 5 балл;

Башҡортостан физик культура институты — 5 балл;

Өфө бәйләнеш юлдары институты — 2 балл.

21 мартта Ғәҙәттән тыш хәлдәр министрлығы майҙанында (Өфө, Комаров урамы, 9/3) иртәнге сәғәт 10-дан көндөҙгө 3-сө яртыға тиклем ҡыҫҡа һәм оҙон араға йүгереү буйынса норматив тапшырырға мөмкин. Үҙең менән медицина белешмәһе, паспорт һәм УИН (индивидуаль номер gto.ru сайтында теркәлгәндән һуң бирелә) алып килергә кәрәк.