Яҡташыбыҙ лотерея билеты һатып алған һәм миллионер булған

Билдәһеҙ яҡташыбыҙ лотереяла «Рапидо 2.0» билетын һатып алып, 1,6 миллион һум отҡан. Лотерея уйнатыу 9 мартта уҙған.

«Лотерея билеты уға 60 һумға төшкән. Еңеүсе уйын майҙанының беренсе өлөшөндә 1, 3, 5, 11, 18, 7, 10, 19 һандарын билдәләгән, ә икенсеһендә 4-те һайлаған. Ошо һандар уға уңыш килтергән», — тип белдерҙеләр лотереяның матбуғат хеҙмәтендә.

Өфө миллионерын отошто теркәү өсөн Мәскәүҙә көтәләр.

«Башинформ» мәғлүмәт агентлығы