Республикала пенсияның уртаса күләме аталды

Башҡортостанда йыл башына пенсионерҙар һаны 1,190 миллионға тиклем кәмегән. Уртаса пенсия 14,4 мең һумдан артҡан, тип белдерҙеләр Башстатта.

Республикала хаҡлы ялдағыларҙың күпселеге йәки 1,092 миллион кеше страховка пенсияһын ала – уртаса 14,8 мең һум.

Дәүләт пенсия тәьминәте буйынса пенсия алыусылар – 98 мең кеше. Уларҙың һәр береһенә уртаса 9,6 мең һумдан ашыу түләнә.

Сағыштырыу өсөн: 2019 йылдың 1 ғинуарына республикала 1,195 миллион пенсионер иҫәпләнде, уртаса пенсия 13 585 һум булды.

«Башинформ» мәғлүмәт агентлығы Галина Бахшиева

Новости партнеров