Был бик һирәк осрай торған хәл. Зарина К. тыумыштан йөрәк сирле булыуына ҡарамаҫтан, 13 йылдан һуң икенсегә ауырға ҡала. Йөклөлөк осоро ауыр бара. Баланың һәм әсәнең ғүмеренә хәүеф янай. 29-сы аҙнала ҡатындың хәле киҫкенләшә. Табиптар консилиум йыйып, уға бер - бер артлы ике операция эшләргә ҡарар итә. Тәүге операцияны Республика перинаталь үҙәге табиптары эшләһә, икенсеһен – митраль, аорта, трискупидиаль клапандарҙы протезлауҙы кардиохирургтар эшләй. Биш сәғәт эсендә пациент ике операция үткәрә.