Күршеләрҙә ер тетрәү теркәлгән

cheltv.ru мәғлүмәте буйынса, сейсмик датчиктар Силәбе өлкәһе менән Башҡортостан Республикаһы сигенән килгән сигналға эшләп китә. Интерактив карта мәғлүмәттәренә ярашлы, ер тетрәүе Ҡотой, Ҡолош һәм Муса ауылдары тирәһендә булған. Ер тетрәү магнитудаһы 2.8 тәшкил иткән.
Ҙурыраҡ ҡеүәтле, 3.0 магнитудалы ер тетрәүе Нязепетровск менән йәнәш Урал тауҙары йыйырсыҡтарында, Ашай һәм Яңы Балаҡатай ауылдары янында теркәлгән.
Ундай еңелсә ер тетрәүҙәр халыҡ, биналар һәм ҡоролмалар өсөн хәүефле түгел. Ләкин биналар эсендәге һиҙгер кешеләр уларҙы тойоуы ихтимал.