Өфөлә «Етегән-2020» ғаилә конкурсында ҡатнашыуға ғаризалар ҡабул ителә

2020 йылдың 11 ғинуарынан 25 февраленә тиклем Өфөлә «Етегән-2020» асыҡ республика конкурсы уҙғарыла.

Ул «Етегән» республика башҡорт байрамы – 1 мартта билдәләнгән ғаилә, мөхәббәт һәм тоғролоҡ көнө алдынан ойошторола.

Конкурстың номинациялары:

Башҡорт телендә мөхәббәт тураһында шиғырҙарҙы оҫта башҡарыусы;

Башҡорт телендә мөхәббәт тураһында йырҙарҙы оҫта йырлаусы;

Иң яҡшы башҡорт бейеүе;

Башҡорт телендә мөхәббәт тураһында иң яҡшы ҡыҫҡа метражлы фильм (5 минуттан ашмаһын);

Башҡорт телендә иң матур флаерҙар һәм открыткалар;

Мөхәббәт темаһына иң матур фотолар;

Башҡорт йырына һәм көйөнә «Етегән» байрамына иң яҡшы флешмоб.

Ҡатнашыусының ғаризаһы (ғариза формаһы – 1-се ҡушымта) менән конкурс материалдарын 25 февралгә тиклем [email protected] электрон адресына ебәрергә кәрәк.

Конкурс йомғаҡтары буйынса жюри һәр номинацияла өс призлы урын билдәләй. Еңеүселәргә һәм лауреаттарға 2020 йылдың 1 мартында дипломдар һәм иҫтәлекле бүләктәр тапшырыла.

Ҡатнашыу шарттары менән конкурстың рәсми төркөмөндә танышырға мөмкин.

http://www.bashinform.ru/bash/1400583/