Республика онкология диспансерының яңы ҡоролмаһында йөҙҙән ашыу пациент тикшереү үткән

Башҡортостанда 2 декабргә Президент Владимир Путиндың май указдарын үтәү маҡсатында, “Һаулыҡ һаҡлау” милли проекты сиктәрендә һатып алынған яңы рентгенодиагностика комплексында 112 кеше тикшерелгән.

Башҡортостан Республикаһының Һаулыҡ һаҡлау министрлығының матбуғат хеҙмәтенән хәбәр итеүҙәренсә, комплекс 25 ноябрҙә ҡуйылған. Онкология диспансеры белгестәре яңы ҡоролмала тикшерелеүселәр һанын көнөнә дүрт тиҫтәгә тиклем арттырырға иҫәпләй.