Бөйөк Еңеүҙең 75 йыллығын билдәләү буйынса саралар планы раҫланды

Башҡортостан Башлығы вазифаһын ваҡытлыса башҡарыусы Радий Хәбиров күрһәтмәһе менән 2020 йылда Бөйөк Ватан һуғышында еңеүҙең 75 йыллығын билдәләү буйынса төп саралар планын раҫланды.

Ул үҙ эсенә инвалид һәм һуғышта ҡатнашыусыларҙың, шулай уҡ уларға тиңләшкән категорияға ҡараусыларҙың йәшәү шарттарын яҡшыртыу, иҫтәлекле-мемориал, мәҙәни, спорт сараларын, төбәк-ара һәм республика фәнни-ғәмәли конференцияларын үткәреүҙе, китап һәм башҡа баҫма материалдар сығарыуҙы, патриотик проекттарҙы үҙ эсенә ала.

Саралар республика бюджетынан һәм бюджеттан тыш сығанаҡтарҙан финансланасаҡ.