Ауыл хужалығы һәм эшкәртеү сәнәғәте хеҙмәтсәндәре көнө билдәләнә

9 ноябрҙә Мәсетле районында Ауыл хужалығы һәм эшкәртеү сәнәғәте хеҙмәтсәндәре көнө билдәләнә.

Һеҙҙе Ауыл хужалығы һәм эшкәртеү сәнәғәте хеҙмәтсәндәре көнө менән ҡайнар ҡотлайбыҙ!

Һайланған һөнәр кешенең яҙмышын билдәләй. Ерҙә хеҙмәт итеү һеҙҙең изге һәм еңел булмаған бурысығыҙға әйләнгән. Ал-ял белмәй, һеҙ иртә таңдан ҡараңғыға хәтле эшләйһегеҙ, сөнки “Һабанда һайрашмаһаң, ырҙында ыңғырашырһың”, ти халыҡ. Игенсенең хатта ҡыҫҡа ғына ял минуттары ла киләһе уңыштар тураһындағы уйҙарға бағышланған.

Барыһы ла үҙгәрә был донъяла, ә ауыл хеҙмәте элеккесә үк барыһына ла һәм һәр кемгә кәрәк. Ябай туйҙырыусы һәм бөйөк хеҙмәтсән, крәҫтиән илебеҙҙең төп өмөтө һәм терәге булды һәм булып ҡала. Ергә үҙегеҙҙең хужаларса хәстәрлекле ҡарашығыҙ, яуаплылыҡ, юғары оҫталығығыҙ менән һеҙ Мәсетле районының ауыл хужалығын үҫтереү өсөн яҡшы шарттар тыуҙыраһығыҙ, ә хеҙмәт емештәрегеҙ халҡыбыҙ өҫтәлендә урын ала.

Эшсәнлегегеҙ, һайлаған эшегеҙгә тоғролоғоғоҙ өсөн рәхмәт һеҙгә. Ҡатмарлы шарттарҙа эшләргә тура килеүенә ҡарамаҫтан, һеҙ үҙ эшеңә бирелгәнлек һәм тоғролоҡ өлгөһө булып ҡалаһығыҙ, фиҙаҡәр хеҙмәттәре өсөн айырыуса ветерандар, производство алдынғылары алдында баш эйәбеҙ.

Ерҙә хеҙмәт иткәндәрҙең барыһына ла ныҡлы һаулыҡ, юғары уңыштар, тотҡарлыҡһыҙ эшләүсе техника, ыңғай һауа торошо һәм уңайлы шарттар, тормоштарында яҡшы үҙгәрештәр һәм иртәгәһе көнгә ышаныс теләйбеҙ. Еңел булмаған хеҙмәтегеҙ яңы ҡаҙаныштар һәм яҡташтарығыҙҙың рәхмәте менән аҡланһын.

Район Советы һәм хакимиәте.