Башҡортостандың Хеҙмәт министрлығында эшһеҙҙәр өсөн уртаса пособие күләмен атанылар

Башҡортостанда сентябрҙә эшһеҙлек буйынса уртаса пособие күләме 4 266 һум йәки эшкә һәләтле халыҡ өсөн йәшәү минимумы дәүмәленән 44,7% тәшкил иткән. Ошо хаҡта «Башинформ» агентлығына төбәктең Хеҙмәт министрлығы матбуғат хеҙмәтендә хәбәр иттеләр.

Эшһеҙлек буйынса минималь дәүмәлдә пособие алыусылар өлөшө республикала 29,3% тәшкил итте, максималь — 57,0%.

Алдан «Башинформ» агентлығы хәбәр иткәнсә, Башҡортостанда теркәлгән эшһеҙҙәр һаны хәҙер 18 мең кешенән артҡан.

Сағыштырыу өсөн: йыл башында төбәктә 20,7 мең «рәсми» эшһеҙ иҫәпләнгән.

http://www.bashinform.ru/bash/1221888/