Мәсетле тормошо
+13 °С
Болотло
Бөтә яңылыҡтар
Юбилярҙар
4 Февраль 2019, 16:03

Бөйөк Ватан һуғышы ветеранына 95 йәш тулды!

Ветерандарҙы ғүмерҙәрендәге мөһим даталар менән ҡотлау районыбыҙҙа яҡшы традицияға әйләнде

Ошо көндәрҙә Бөйөк Ватан һуғышы һәм хеҙмәт ветераны Таиф Хәким улы Зариповты 95 йәшлек юбилейы уңайынан район хакимиәте башлығы вазифаһын башҡа- рыусы Айҙар Әхмәтшин, район хакимиәте башлығының социаль мәсьәләләр буйынса урынбаҫары Гөлназ Ҡадирова, Оло Ыҡтамаҡ ауыл биләмәһе хакимиәте башлығы Радик Ғәләүетдинов һәм район ветерандар советы рәйесе Юрис Сафиуллин ҡотланылар. Улар юбиляр-вете- ранға Рәсәй Федерацияһы Президенты Владимир Путиндың ҡотлауын еткерҙе һәм гөлләмә менән бүләк тапшырҙы.

– Илебеҙ өсөн хәл иткес йылдарҙа күр-һәткән батырлыҡ, сыҙамлыҡ һәм ҡыйыу-лыҡ, тыныс тормошта фиҙаҡәр хеҙмәтегеҙ өсөн рәхмәт белдерәм. Һеҙгә ныҡлы сәләмәтлек, тыныс күк йөҙө, именлек, яҡындарығыҙҙың иғтибарын, хәстәрлеген һәм ярҙамын тойоп йәшәүегеҙҙе, рух күтәренкелеге, оҙон ғүмер теләйбеҙ, – тине Айҙар Алкин улы.

Ә һуғыш ветераны изге һүҙҙәре һәм күр-һәткән иғтибарҙары өсөн ҡунаҡтарға рәхмәт белдерҙе.

Таиф Зарипов – ғәҙеллек, тәрән аҡыл, тормошҡа сикһеҙ һөйөү менән айырылып торған аҡһаҡал.

– Оҙаҡ йәшәүемдең сере – сәләмәт йәшәү рәүеше алып барыуымда, – тине ул. – Мин алкоголь һәм тәмәке ҡулланыуға ҡаршымын. Барығыҙға ла ныҡлы сәләмәтлек һәм минән ҡалышмауығыҙҙы теләйем.

Һуғыш ветеранының оло юбилейы – беҙҙең барыбыҙ өсөн дә мөһим ваҡиға. Беҙгә тыныслыҡ һәм азатлыҡ бүләк иткән яугирҙың һаулығы артабан да ныҡ булһын, көс-ҡеүәт ташламаһын һәм, әлбиттә, һәр көн шатлыҡ-ҡыуаныстар ғына килтерһен.