Эшлекле осрашыу

Министр йәштәр сәйәсәтенең төп йүнәлештәре, атап әйткәндә, ирекмәнлеккә, социаль проекттарға, эшҡыуарлыҡҡа һәм ижади башланғыстарға ярҙам итеү хаҡында һөйләне. Ул шулай уҡ тыңлаусыларҙы грант конкурстарында, форумдарҙа һәм ирекмәндәр программаларында ҡатнашыу мөмкинлектәре менән таныштырҙы, йәштәрҙең әүҙем йәмәғәт позицияһының мөһимлеген һыҙыҡ өҫтөнә алды. Вито Сабиров Башҡортостан йәштәренең төрлө конкурстарҙа һәм проекттарҙа уңыштарын билдәләне, осрашыуҙа ҡатнашыусыларҙы ниәттәрен тормошҡа ашырыу һәм үҙҙәрен үҫтереү өсөн бөтә мөмкинлектәрҙе файҙаланырға саҡырҙы.
Сара аҙағында райондың йәштәр ойошмаларының әүҙем вәкилдәренә Башҡортостан Республикаһы Йәштәр сәйәсәте министрлығынан Рәхмәт хаттары тапшырылды. Бүләкләнеүселәр араһында: башланғыс кластар уҡытыусыһы, тәрбиә эше буйынса директор урынбаҫары, “Беренселәр ваҡыты” мәктәп яны лагеры начальнигы (“Беренселәр хәрәкәте” федераль проекты), “Беренселәр хәрәкәте” беренсел мәктәп бүлексәһе кураторы Ирина Федорова; Дыуан күп профилле колледжының Оло Ыҡтамаҡ ауылы филиалы студенты, “Йәш армия” хәрби-патриотик хәрәкәтендә ҡатнашыусы Айбулат Әсбапов; Дыуан күп профилле колледжының Оло Ыҡтамаҡ ауылы филиалы студенттары үҙидараһы рәйесе һәм студенты, Йәштәр үҙәге ирекмәне Гүзәл Ғәлиәскәрова; “Әй” утарының “Александр Невский” хәрби-патриотик клубы казактары Александр Огиенко һәм Зарина Ғәзиева.
Камилла МУСАКӘЛИМОВА.