Һәләтле һәм дәртле

Халыҡ телендә Татьяна көнө тип йөрөтөлгән Студенттар көнө хаҡында белмәгән кеше юҡтыр. Был көн йыл һайын 25 ғинуарҙа билдәләнә. Ошо уңайҙан бөгөн һеҙгә Мәсетле районының һәләтле студенты Алина Йәрмөхәмәтова хаҡында һөйләйбеҙ.

Алина – III курс студенты, ул Башҡорт дәүләт университетында “Хоҡуҡ һаҡлау өлкәһендә мәғлүмәт технологиялары хәүефһеҙлеге” һөнәрен үҙләштерә. Ҡыҙҙың үҙләштергән һөнәре ҡыҙыҡлы ла, яңы ла.

Алина һәр саҡ әүҙем тормош алып бара – Оло Ыҡтамаҡ лицейында уҡыған сағында уҡ төрлө республика һәм район спорт ярыштарында, эстафета, баскетбол уйындарында ҡатнаша. Инглиз теле һәм әҙәбиәте буйынса конференцияларҙа сығыш яһап, үҙе өсөн файҙалы тәжрибә ала.

– Мәктәптә уҙған һәр сара, олимпиадалар, ярыштар үҙ кимәлемде белергә һәм етешһеҙлектәремде күрергә ярҙам итте, – тип һөйләй ул. – Университетта мин үҙем өсөн спортты яңынан астым. Беренсе курстан уҡ дартс уйнай башланым, университет командаһы составына эләктем. Уҙған йылда I разряд яуланым. Был спорт төрө минең йәшәү рәүешемдең бер төрөнә әйләнде, хәҙер дистанцион уҡыу ваҡытында ла шөғөлләнеүҙе дауам итәм.

Тулы текстты гәзит баҫмаһында уҡығыҙ.