Мәсетле тормошо
+21 °С
Болотло
Бөтә яңылыҡтар
Йәштәр мөхите
16 Декабрь 2020, 11:45

Уңыштар һиңә, Александр!

Мәсетле районы йәштәре һуңғы ваҡытта абруйлы республика һәм Бөтә Рәсәй конкурстарында әүҙем ҡатнаша. “Һылыуҡай”, “Йәшлек-шоу” кеүек киң билдәле бәйгеләрҙә беҙҙең район йәштәренең исемдәре ишетелеүе бик тә ҡыуаныслы ваҡиға. Районыбыҙҙы данлаған һәләтле йәштәр- ҙең береһе – Александр Васин тураһында булыр бөгөн һүҙебеҙ.

Егет Өфө ҡалаһында тыуған, Оло Ыҡтамаҡ ауылында үҫкән. Мәктәпте тамамлағандан һуң күп профилле колледж филиалында электромонтер һәм газ менән иретеп йәбештереүсе һөнәрен үҙләштерә.
Төрлө байрамдарҙа сәхнәнән төшмәгән, конкурстарҙа әүҙем ҡатнашҡан Александрҙы күптәрҙең күргәне барҙыр, моғайын. Ул өс төркөмдә йырлап йөрөй. Музыка менән мауығыуы бала саҡтан килә.
– Миңә һигеҙ йәш булғанда, атай-әсәйем телевизорға караоке һатып алды, – тип хәтерләй ул. – Уны ҡабыҙырға өйрәнеп алдым да атай-әсәйем эштә саҡта рәхәтләнеп йырлай торғайным. Алтынсы класта уҡығанда музыка дәресендә “Батырҙар” төркөмөнөң “Алһыу шәфәҡ” йырын башҡарҙым. Уҡытыусы Валентина Сизоваға минең йырлауым оҡшап ҡалды һәм ул мине район Мәҙәниәт һарайында уҙған Еңеү көнөнә арналған концертта ҡатнашырға саҡырҙы...
Мәҡәләнең тулы версияһын гәзиттең 2020 йылдың 15 декабрендәге 100-се һанында уҡығыҙ.