Беренсе булыу – хәрәкәттә булыу!

Беренселәр хәрәкәте – Рәсәйҙәге йәштәр хәрәкәте. Ул 2022 йылдың 18 декабрендә ил властары башланғысы менән булдырылған. Хәрәкәт балалар һәм йәштәр ялын ойоштороуға, төрлө яҡлап үҫешеү өсөн мөмкинлек булдырыуға, үҙ-үҙеңде күрһәтеүгә, һөнәри йүнәлеш алыуға йүнәлтелгән. Хәрәкәттең күҙәтеү советын Рәсәй Президенты Владимир Путин етәкләй. Хәрәкәт булдырыу тураһында закон проекты Дәүләт Думаһына В. И. Ленин исемендәге Бөтә Союз пионер ойошмаһына 100 йыл тулған көндә индерелде.

– “Беренселәр хәрәкәте” бик күп сағыу, маҡсатҡа ынтылышлы егет-ҡыҙҙарҙы ирекмәнлеккә, йөкмәткеле, белем биреү, ижади, спорт проекттарына йәлеп итер тип ышанабыҙ, – тине Рәсәй мәғариф министры Сергей Кравцов.
Рәсәй “Беренселәр хәрәкәте” балалар һәм йәштәр хәрәкәте Башҡортостанда ла үҫешә башланы. Район һәм ҡалаларҙа 206 беренсел бүлексә асылды ла инде. Республиканың баш ҡалаһы Өфөлә 9 февралгә 126 мәктәптә беренсел бүлексәләр асылды. Проект йәш таланттарға берләшергә, бергә иң яҡшы сифаттарын күрһәтергә мөмкинлек бирә. Хәҙер балалар республиканың мәҙәни тормошоноң бер өлөшө буласаҡ, волонтерлыҡ акцияларында ҡатнашасаҡ, төрлө проекттарҙы бойомға ашырасаҡ, патриотик тәрбиә биреү менән шөғөлләнәсәк.
Беренсел бүлексәне балалар үҙҙәре лә аса ала – бының өсөн будьвдвижении.рф рәсми сайтында теркәлергә һәм ғариза бирергә кәрәк. Беренсел бүлекте мәктәп, колледж, юғары уҡыу йорто, предприятие, балалар лагеры, волонтерҙар үҙәге, Йәштәр үҙәге, балаларға өҫтәмә белем биреү учреждениеһы, мәҙәниәт учреждениеһы нигеҙендә асырға мөмкин.

Мәҡәләнең тулы версияһын гәзиттең 2023 йылдың 22 февралдә 8-се һанында уҡығыҙ.

Фото

Автор: