Башҡортостанда яңы эш аҙнаһы өс көнлөк ял менән тамамлана

Быйыл 8 март йәкшәмбегә тура килә. Рәсәй Федерацияһының Хеҙмәт кодексына ярашлы, байрам көнө ял көнөнә тура килгән осраҡта ул автоматик рәүештә киләһе эш көнөнә күсерелә. Шулай итеп, дүшәмбе, 9 март, ял көнө булып тора. 

Шул рәүешле 7, 8 март һәм 9 мартта өс көнлөк ял була. Шунан һуң рәсәйҙәрҙе дүрт көнлөк ҡыҫҡа эш аҙнаһы көтөлә (шишәмбенән йомаға тиклем).

6 март (йома) – ғәҙәти эш көнө. Байрам алды көнөндә эш ваҡыты бер сәғәткә ҡыҫҡартылмай, сөнки байрам үҙе ял көнөнә тура килә.

Фото: автор / «Башинформ» мәғлүмәт агентлығы

Источник: https://bash.bashinform.ru/news/social/2026-03-02/bash-ortostanda-ya-y-esh-a-na-y-s-k-nl-k-yal-men-n-tamamlana-4598016