“Хеҙмәт ветераны” исемен нисек юлларға?

Хеҙмәт стажым 20 йылдан ашты. Бер урында эшләйем. Хеҙмәткәр “Хеҙмәт ветераны” таныҡлығының кемдәргә бирелеүе тураһында яҙһағыҙ ине.

Ф. МӨНИРОВА,

Өфө ҡалаһы”.

 – СССР йәки Рәсәй ордендары, миҙалдары, юғары исемдәре, Президент грамоталары йәки Рәхмәте, ведомство наградаларына лайыҡ булғандарға “Хеҙмәт ветераны” исеме бирелә. Бынан тыш, ҡатын-ҡыҙҙар өсөн –  20, ир-егеттәр өсөн 25 йыл страховка стажы йәки пенсия өсөн кәрәкле хеҙмәт йылдары кәрәк.

Бөйөк Ватан һуғышы йылдарында бәлиғ булмаған килеш эшләгән ирҙәрҙең – 40, ҡатын-ҡыҙҙарҙың 35 йыл стажы булыуы зарур.

Исемде юллау өсөн Күп функциялы үҙәк офисында, Республика халыҡҡа социаль ярҙам күрһәтеү үҙәгендә йәки “Дәүләт хеҙмәттәре” порталында ғариза биреп була. Түбәндәге документтар кәрәк буласаҡ:

• паспорт:
• Бөйөк Ватан һуғышы йылдарында бәлиғ булмаған көйөнсә эшләгәндәр өсөн был хәлде раҫлаған документтар;
• “Хеҙмәт ветераны” таныҡлығына биргән награданы раҫлаған документтар;
• 3х4 сантиметр ҙурлығында фотография.

Яуапты көтөү ваҡыты – 30 көн. “Дәүләт хеҙмәттәре” порталы аша биргәнһегеҙ икән, 15 көндән һуң яуап бирәсәктәр.

Автор фотоһы.