Радий Хәбиров дошмандың пилотһыҙ осҡостары һөжүменә аңлатма бирҙе

«Башҡортостан яғыулыҡ-энергетика комплексының сәнәғәт предприятиеларына дошмандың өс пилотһыҙ осоу аппараты һөжүм итте.

Террорға ҡаршы комиссия һәм оператив штаб сиктәрендә беҙ ошондай һөжүмдәрҙән һаҡланыуҙың ҡатнаш системаһын булдырҙыҡ, уға пассив һаҡланыу, күҙәтеү һәм юҡ итеү ҡоралдары ҡарай.

Беренсе БПЛА предприятиеларҙың береһенә төшкән, оператор бүлмәһендәге тәҙрәләр ватылған. Тағы икәүһе сәнәғәт зонаһына ҡолаған.

Ҡорбандар һәм емереклектәр юҡ. Предприятиелар штат режимында эшләй. Урында тәфтиш төркөмө, Ғәҙәттән тыш хәлдәр министрлығы подразделениелары, оператив хеҙмәттәр эшләй. Хәл контролдә тотола», — тине Радий Хәбиров.