Татарстанда пилотһыҙ осоу аппараттары ике предприятиеға һөжүм иткән

«Етди емереклектәр юҡ, предприятиеларҙың технологик процесы боҙолмаған. Ҡыҙғанысҡа ҡаршы, Алабуғала бинаның емерелеүе һөҙөмтәһендә зыян күреүселәр бар. Уларға барлыҡ тейешле ярҙам күрһәтелә», – тиелә рәсми хәбәрҙә.

Республика етәксеһе Рөстәм Миңлехановҡа БПЛА һөжүме тураһында мәғлүмәттәр еткерелеп тора.

«Хәҙер тынсылыҡ һаҡлау һәм ошо енәйәтте ҡылған кешеләр аңлы рәүештә булдырырға тырышҡан паникаға бирелмәү бик мөһим», – тип билдәләне Татарстан Рәисе. 

«Алабуға» махсус иҡтисади зонаһында ятаҡҡа һөжүм иткән пилотһыҙ осоу аппараттары НАТО илдәренең ҡорамалдары менән йыһазландырылған. Был хаҡта махсус иҡтисади зонаның генераль директоры Тимур Шаһивәлиев белдерҙе.

Автор:Ләйсән Закирова

Источник: https://bash.bashinform.ru/news/law/2024-04-02/tatarstanda-pilot-y-osou-apparattary-ike-predpriyatie-a-zh-m-itk-n-3710392

Фото