Башҡортостанда иң ҙур ҡорот буйынса Рәсәй рекордын ҡуйырға йыйыналар

«Хәйбулла йәйләүе» ихатаһында милли һөт ашамлығын әҙерләү һәм һаҡлау процесы күрһәтелә.

Фестивалдең иң сағыу мәле — иң ҙур ҡорот әҙерләү буйынса Рәсәй рекордын ҡуйыу. «Башинформ» агентлығына хакимиәт башлығы урынбаҫары Роза Рәсембәтова хәбәр итеүенсә, рекордты теркәү өсөн Рәсәйҙең рекордтар Китабы эксперты килә.

Байрамға бик күп ҡунаҡтар саҡырылған, улар араһында «Рәсәйҙең иң көслө кешеһе» Эльбрус Ниғмәтуллин да бар. Байрамдың төп геройы — «Ҡоротбикә».

- Хәйбулла ере ҡорот эшләү оҫталары менән дан тота. Уңған хужабикәләр әҙерләгән һөт ризыҡтары, ҡорот һәм эремсек төрлө күргәҙмәләрҙә ҡатнаша, улар — районыбыҙ бренды. Әбеш ауыл биләмәһенең Һаҡмар-Наҙарғол ауылы бер нисә төр һөт продукцияһы әҙерләй, ул иң ҡиммәтле һәм файҙалы тип һанала. Уны әҙерләү серҙәренә төшөнөргә теләүселәрҙе һәм ҡорот яратыусыларҙы көтөп ҡалабыҙ. Ҡорот фестиваленә рәхим итегеҙ, — ти ойоштороусылар.

Фото