+18 °С
Болотло
16 сентябрҙән Air Cairо авиакомпанияһы Шарм-эль-Шейх – Өфө – Шарм-эль-Шейх йүнәлеше буйынса Мысырға оса башлай. Рейстар аҙнаһына бер тапҡыр башҡарыла. Өфөнән осош ваҡыты – урындағы ваҡыт менән төнгө 1-се 5 минутта.
1 октябрҙән «Аэрофлот» авиакомпанияһы Баҡы — Өфө — Баҡы йүнәлеше буйынса оса башлай. Рейстар шишәмбе һәм йома көндәрендә башҡарыла. Өфөнән осош ваҡыты – урындағы ваҡыт менән 3 тула 25 минутта.
5 октябрҙән Доминиканаға осорға мөмкин. AZUR авиакомпанияһы Ла-Романа – Өфө – Ла-Романа йүнәлеше буйынса оса башлай. Рейстар 12 көнгә бер тапҡыр башҡарыла.
Доминикана Республикаһына Nordwind Airlines авиакомпанияһы менән дә осорға мөмкин. 8 октябрҙән 12 көнгә бер тапҡыр Пунта-Кана — Өфө — Пунта-Кана йүнәлеше буйынса осоштар башлана.
Сәйәхәткә сығыр алдынан илгә инеү шарттары тураһында мәғлүмәттәр менән ентеклерәк танышырға кәрәк, тип иҫкә төшөрҙөләр «Өфө» халыҡ-ара аэропортында.