Яңынан тормош ҡороу мөмкинме?

Мәсетле районында бер нисә көн элек бик сетерекле хәл булды: Оло Ыҡтамаҡ ауылында бер ир кеше туңып үлгән. Яҡынса мәғлүмәт буйынса, ул иҫерек булған һәм, йәшәр йорто булһа ла, урамда донъя ҡуйған.Был кешене күп тапҡыр-ҙар билдәле бер йәшәү урыны булмаған кешеләр араһында, халыҡ телендә – бомждар компанияһында күрәләр. Бомждар – ҙур ҡалаларҙа урамда йәшәгән, торор ере булмаған кешеләр. Әммә ундайҙар беҙҙең районда ла барлығын күреп белеүселәр барҙыр.

Йәй көнө уларҙы “Гулливер” магазины янында осратырға мөмкин, ҡышҡыһын һыуыҡтан ышыҡ эҙләп “Магнит у дома” магазинының тамбурында йыйылалар. Йәмһеҙ төҫ һәм һаҫыҡ еҫ уларҙы йыраҡтан урап үтергә мәжбүр итә. Урам буйында йәшәгән кешеләрҙе күреп, ошондай һорау тыуа: кемдәр улар, ҡайҙан килеп сыҡҡандар?

Мәсетле районы эске эштәр бүлеге мәғлүмәттәре буйынса, Оло Ыҡтамаҡ ауылында һигеҙ кеше асоциаль тормош алып бара.

(фото-интернеттан алынды)