Мәсетле тормошо
+18 °С
Болотло
Бөтә яңылыҡтар
Урындағы үҙидара
27 Февраль 2019, 14:07

Район Советы эшмәкәрлегенә йомғаҡ

Уҙған йома БР Мәсетле муниципаль районының дүртенсе саҡырылыш район Советының егерме туғыҙынсы ултырышы уҙҙы.

Уның эшендә район хакимиәте башлығы Әнис Әсәҙуллин, БР торлаҡ-коммуналь хужалыҡ министры урынбаҫары Илдус Мамаев, БР Башлығы идаралығының урындағы үҙидара органдары менән эшләү буйынса бүлегенең баш советнигы Ирек Ғәлиәкбәров, район хакимиәте башлығы урынбаҫарҙары, бүлектәр начальниктары, БР министрлыҡтарының территориаль бүлектәре начальниктары һәм белгестәре, ауыл биләмәләре башлыҡтары, район прокуратураһы һәм район эске эштәр бүлеге вәкилдәре, предприятиелар, ойошмалар һәм учреждениелар етәкселәре, район хакимиәте ҡарамағындағы йәмәғәт советы, Башҡортостан Республикаһының “Йәш депутаттар ассоциацияһы” йәмәғәт ойошмаһының урындағы бүлексәһе, “Йәш гвардия” ойошмаһы вәкилдәре, ветерандар һәм ҡатын-ҡыҙҙар советтары рәйестәре һәм киң мәғлүмәт саралары вәкилдәре ҡатнашты.

Тәүҙә депутаттар алдында район хакимиәте башлығы Әнис Әсәҙуллин райондың социаль-иҡтисади үҫеше йомғаҡтары тураһында һөйләне. Ул муниципалитет эшмәкәрлегендәге барлыҡ тармаҡтар буйынса статистик мәғлүмәттәр килтерҙе һәм ҡаҙаныштар менән уртаҡлашты (тулыраҡ мәғлүмәт менән https://mechetly. bashkortostan.ru сайтында танышырға мөмкин).

Артабан һүҙ торлаҡ-коммуналь хужалыҡ министры урынбаҫары Илдус Мамаевҡа бирелде. Өфө вәкиле Башҡортостан Республикаһының 2018 йылғы социаль-иҡтисади үҫеше йомғаҡтарын яңғыратты, шулай уҡ торлаҡ-коммуналь хужалыҡ өлкәһендә халыҡтың тормошон уңайлыраҡ итеүгә йүнәлтелгән яңылыҡтар менән таныштырҙы, 2019 йылға бурыстар тураһында һөйләне.

Район Советының 2018 йылғы эшмәкәрлеге һөҙөмтәләре менән Мәсетле районы Советы рәйесе Эдуард Бәҙретдинов таныштырҙы. Ул барыһына ла башҡарған эштәре, ҡуйылған бурыстарҙы хәл итеүгә яуаплы ҡарағандары, район Советы эшмәкәрлегендә ҡатнашҡандары өсөн рәхмәт белдерҙе.

Район хакимиәте башлығының социаль мәсьәләләр буйынса урынбаҫары Гөлназ Ҡадирова “2019 йылда Башҡортостан Республикаһы Мәсетле районы муниципаль районында Башҡортостан Республикаһы Дәүләт Йыйылышы – Ҡоролтайға Баш-ҡортостан Башлығы вазифаһын ваҡытлыса башҡарыусы Радий Хәбировтың Мөрәжәғәтнамәһен ғәмәлгә ашырыу буйынса төп саралар комплекслы планын раҫлау тураһында” мәсьәләне күтәрҙе.

Көн тәртибенә индерелгән барлыҡ мәсьәләләр ҙә ҡаралды һәм улар буйынса ҡарарҙар ҡабул ителде.