Мәсетле тормошо
+14 °С
Болотло
Бөтә яңылыҡтар

Подъездарҙы ремонтлау башланды

Оло Ыҡтамаҡ ауылында “Күп фатирлы йорттарҙа подъездарҙы комплекслы ремонтлау” программаһын бойомға ашырыуға ярашлы эштәр башланды.

Мәсетле районы хакимиәтенең милек һәм ер контроле буйынса төп белгесе Илнур Хәйруллин хәбәр итеүенсә, әлеге этапта ремонт эштәре Тракт урамындағы 3-сө, 4-се, 9-сы, 13-сө өйҙәр подъездарында бара.

Подъездарға кодлы йоҙаҡтар менән ишектәр һәм пластик тәҙрәләр ҡуйылған да инде. Шулай уҡ баш- ҡарыласаҡ эштәр исемлегенә ағас ишектәрҙе металға, эске ишекте ПВХ ишеккә, ағас тәҙрә блоктарын ПВХ-ға алмаштырыу, беренсе ҡаттағы иҙәндәрҙең плитанан торған ҡатламын тергеҙеп иҙәндәрҙе (конкурс өсөн хәреф "м") ремонтлау, баҫҡыстарҙың металл рәшәткәләрен һәм яндауырҙарын ремонтлау, штукатур-маляр эштәре (стеналар, түшәмдәр, баҫҡыстар, радиаторҙар, таянғыстар, кәртәләр, газ торбалары, электр щиттары), электр үткәргестәрҙе пластик ҡаптар эсенә һалыу, ут ҡабыҙғыстарҙы, яҡтырт-ҡыстарҙы хәрәкәт датчиклы энергия һаҡлаусы лампаларға алмаштырыу.

Эштәр подрядсыһы – “Гарант”, ә субподрядсы – “Тепловик” яуап-лылығы сикләнгән йәмғиәттәре. Программаның кураторы – БР-ҙың Торлаҡ-коммуналь хужалыҡ министрлығы.

Быйыл шулай уҡ Ленин урамындағы 2-се, 9-сы йорттар подъездарын ремонтлау ҙа планлаштырыла. Иҫегеҙгә төшөрәбеҙ: “Күп фатирлы йорттарҙа подъездарҙы комплекслы ремонтлау” программаһы 6 йылға иҫәпләнгән. Район хакимиәте тарафынан БР-ҙың Торлаҡ-коммуналь хужалыҡ министрлығына райондың күп фатирлы йорттарындағы 102 подъезды ремонтларға кәрәклеге тураһында хат ебәрелгән.