Мәсетле тормошо
+17 °С
Болотло
Бөтә яңылыҡтар

“Көньяҡ” мәсьәләһе

Ҡар иреү менән кешеләрҙе юлдар торошо тураһындағы мәсьәлә нығыраҡ борсой башланы. Социаль селтәрҙәрҙә “Көньяҡ” микрорайонындағы урамдарҙан машина менән үтеүе ҡыйын, тигән яҙыу- ҙарҙы йыш ҡына күрергә була. Был йүнәлештә ниндәй эштәр планлаштырылыуы хаҡында район хакимиәте башлығының төҙөлөш, иҡтисади үҫеш һәм йәшәйеште тәьмин итеү мәсьәләләре буйынса урынбаҫары Азамат Ҡәләмов һөйләне.


Һыу сығанағын эҙләү.



– Азамат Мөхәмәтхаяз улы, микрорайондағы юлдар ниндәй хәлдә?

– Күптән түгел әлеге микрорайон юлдарына планлы тикшереү уҙғар-ҙыҡ, уларға “Башкиравтодор” предприятиеһы көсө һәм район хакимиәте тырышлығы менән ваҡ таш-эре ҡом һибеп ремонт яһалғайны.

Тикшереү йомғаҡтары буйынса түбәндәге кәмселектәр асыҡланды: ҡом-ҡырсынташ ҡатышмаһынан торған өҫкө ҡатламда колея барлыҡҡа килгән; яҙ көнө һыу үткәреү өлөшө тулыһынса асылмаған һәм юл киңлеге ҡар өйөмдәренән таҙартылмаған, шул арҡала юл өҫтөнән һыу ағып ятты.

– Был йүнәлештә ниндәй эштәр алып барыласаҡ?

– Канауҙар яһау, шулай уҡ автомобиль юлын тығыҙлау һәм, кәрәк булһа, ваҡ таш, ҡом-ташлы ҡом ҡатышмаһы өҫтәп ҡаплау планлаштырылған.

– Микрорайон кешеләрен күптән борсоған тағы ла бер проблема – һыу юҡлығы. Был мәсьәләне хәл итеү нисек бара?

– Район хакимиәтендә әлеге проблеманы хәл итеү буйынса әүҙем эш алып барыла. Өҫтәмә скважина быраулау бик ныҡ кәрәк. Ошоноң ме-

нән бәйле һыу запасына разведка үткәрелә.

Кәрәкле һыу запасының булыуы раҫланғанда халыҡты һыу менән өҙлөкһөҙ тәьмин итә торған эксплуатациялау скважинаһы төҙөләсәк.